د کابل پولي تخنیک پوهنتون د محصلینو د خدمتونو له آمریت سره د محصلینو د اړیکو د برابرولو په موخه غونډه تر سره شوه.
غونده د قران کریم مبارکو آیتونو په تلاوت سره پیل شوه.
لومړی د کابل پولي تخنیک پوهنتون د محصلینو د خدمتونو آمر ښاغلي سید عین الله هاشمي محصلینوته د ښه راغلاست تر څنګ د هېواد په پرمختګ کې د علومو د زده کړې پر اهمیت خبري وکړي، محصلین یې د علم حاصلولو ته وهڅول او په دې برخه کې یې الهی ایتونو او نبوي احادیثو په رڼا کې د علم پر اهمیت هر اړخیز بحث وکړ.
همدارنګه د اسلامي نړۍ د هغو پخوانیو علماوو په اړه چې مسلمانانو لپاره یې ډېر خدمتونه کړي او د هغوی د علمي کشفیاتو او لاسته راوړنو په اړه چې د اسلامي نړۍ د پرمختګ لامل شوي دي په تفصیل سره خبرې وکړې.
ښاغلي هاشمي د خبرو په لړ کې د یاد آمریت د وړتیاوو او فعالیتونو او په اکاډمیک چاپېریال کې د محصلینو د مسوولیتونو په اړه خبرې وکړې. د محصلینو پوښتنو ته ځواب وویل او له محصلینو سره یې د همکارۍ ژمنه وکړه.
یاده دې وي چې د غونډې په جریان کې محصلینو هم په خپل وار سره د غونډې له ګډونوالو او مسؤلینو سره خپلې غوښتنې او نظرونه شریک کړل.
