د کابل پولي تخنیک پوهنتون د انجینري او ټکنالوژي له نړیوال ژورنال څخه د لوړو زده کړو وزارت یو هئیت لیدنه وکړه.
په دې لیدنه کې د لوړو زده کړو وزارت ځانګړي استازي او د دغه پوهنتون د مالي او اداري مرستیال ښاغلي انجنیر زیارمل خطاب، د کابل پولي تخنیک پوهنتون عمومي ریس ښاغلي پوهنوال دیپلوم انجنیرعبدالرشید اقبال، علمي مرستیال ښاغلي پوهنوال محمد نسیم نسیمي، د دغه پوهنتون د نړيوال ژورنال مسؤل مدير ښاغلي ډاکتر احمد جواد نيازي او د همدې کمیټې غړو هم حضور درلود.
لومړی د کابل پولي تخنیک پوهنتون د ساختماني پوهنځي رئیس ښاغلي ډاکټر امان الله فقیري میلمنو ته د ښه راغلاست ترڅنګ د کابل پولي تخنیک پوهنتون ته د یاد پلاوي راتګ یو ارزښمند ګام وباله.
ورپسې د کابل پولي تخنیک پوهنتون د نړیوال ژورنال مسؤل ښاغلي ډاکټر احمد جواد نیازي د یاد ژورنال څرنګوالی، د کار طرزالعملونه، د مقالو منلو طریقې او شرایط، د کاري کمیټو جوړول، ژورنال ته د لاسرسي څرنګوالی،
د نړیوال څرنګوالی شهرت ترلاسه کول او د نورو موضوعاتو په اړه چې د لوړو زده کړو وزارت د پلاوي له خوا مطرح شول، هر اړخیز معلومات وړاندې کړل.
په پای کې یې د راغلي پلاوي له خواه په ښه توګه ارزونه وشوه.
