د محصلانو چارو معاونیت پېژندنه
د محصلانو چارو معاونیت د لوړو زده کړو وزارت په تشکیل کې یوه مهم کادري او اداري بست دی او د کابل پولیتخنیک پوهنتون له څلورو معاونیتونو څخه یو معاونیت دی. دا معاونیت د محصلانو اړوند د پالیسیو طرحه کول، د دیپلومونو او ترانسکریپتونو په وېش، د محصلانو د معتبرو اسنادو او د پوهنتون سپین مهر اسنادو په ساتنه او خوندي کول، د دې معاونیت اړوند تشکیلاتي برخو څارنه، او د محصلانو د حقوقو نه دفاع کولو په برخو کې دندې ترسره کوي.د کابل پولي تخنیک پوهنتون د محصلانو چارو معاونیت محصلینو ته د علمي او فرهنګي ډګر کی آسانتیاوی برابرول، کورنیو او بهرنيو محصلانو ته د تحصیلي مشورتي خدمتونو د وړاندې کولو، د هغوی د فکري، رواني او فزیکي سلامتيا د پیاوړتیا، او د علمي، فرهنګي او ټولنیز پرمختګ لپاره د مناسب چاپېریال د رامنځته کولو په موخه د ځانګړو مسلکي زده کړو ترڅنګ د انساني کرامت او اسلامي ارزښتونو په پام کې نیولو سره خپل ګامونه اخلي.