د "د سړکونو هندسي ډیزاین" په نوم درسي کتاب د چاپ چارې بشپړ شوې.
د "د سړکونو هندسي ډیزاین" په نوم درسي کتاب، چې د کابل پولي تخنیک پوهنتون د لویو لارو جوړونې او ترانسپورټ انجنیرۍ پوهنځي استاد پوهندوی دیپلوم انجنیر خواجه داود کوکبي لخوا لیکل شوی دی، د سړک ډیزاین تحلیل او ارزونې په برخه کې د یوه ارزښتناک درسي منبع په توګه په ۱۲ فصلونو او ۵۱۸ مخونو کې ترتیب شوی دی.
دغه کتاب د سړکونو هندسي ډیزاین په برخه کې د محصلینو علمي سطحې د لوړولو لپاره د لوړو زده کړو وزارت د نشراتو ریاست په مطبعه کې په لوړ کیفیت چاپ شوی دی. دا کتاب د یوه معتبر علمي منبع په توګه محصلینو سره مرسته کوي ترڅو د سړکونو هندسي ډیزاین اصولو او مفاهیمو په برخه کې ژوره پوهه ترلاسه کړي او خپل مهارتونه په دې برخه کې لا ښه کړي.
یاد کتاب د کابل پولي تخنیک پوهنتون عمومي کتابتون ته د محصلینو او نورو علاقه مندانو د استفادې لپاره وسپارل شو.
