د کابل پولي تخنیک پوهنتون د اتو پوهنځیو د باسکیټبال ټیمونو ترمنځ ژمنۍ سیالۍ پیل شوې

غونډه د قرانکریم د مبارکو آیاتو په تلاوت سره پیل شو.
د یادو سیالیو د پرانیستې مراسمو کې د کابل پولي تخنیک پوهنتون مشرتابه، د باسکیټبال فدراسیون رئیس الحاج عبیدالله ارغندیوال، محصلینو او مینه والو ګدون درلود.
لومړی د کابل پولي تخنیک پوهنتون د ورزشي چارو آمر ښاغلي احمد فایق ضیايي ټولو ته د ښه راغلاست وینا وکړه، د یادو سیالیو په اړه معلومات ورکړل او ورزشکارانو ته یې د بریا هیله وکړه.
ورپسې د کابل پولي تخنیک پوهنتون د محصلانو چارو مرستیال ښاغلي انجنیر ویس الدین بریالي د ورزش په اړه د اسلام د سپیڅلي دین له نظره هر اړخیزې خبرې وکړې. دوی د ورزشي چارو آمریت له کړنو او دندو څخه مننه وکړه چې د محصلینو لپاره یې د ورزشي پروګرامونو په لاره اچولي او ورزشکارانو ته یې د بریالیتوب هیله وکړه.
د يادونې وړ ده، چې يادې سيالۍ به يوه اونۍ دوام وکړي او د ترسره کولو موخه يې د کابل پولي تخنيک پوهنتون د باسکټبال منتخبې لوبډلې ته د غوره لوبغاړو ټاکل دي.