ښاغلي انجنیر جاویدالله حماد د اوبو او چاپیریال څیړنو ملي مرکز د چاپیریال ساتنې د آمر په توګه معرفي شو.
غونډه د قرانکریم د مبارکو آیاتو په تلاوت سره پیل شوه.
لومړی د کابل پولي تخنیک پوهنتون عمومی رئیس ښاغلي پوهنوال دیپلوم انجنیر عبدالرشید اقبال د دغه مرکز د کاري برخو په اړه خبرې وکړه او د دغه مرکز د چاپيريال ساتنې آمر ښاغلي انجنير جاويدالله حماد ته د هر راز همکاری ډاډ ورکړ.
همدارنګه د دغه پوهنتون مالي او اداري مرستیال ښاغلي انجنیر سید مصباح الدین هاشمي هم ښاغلي حماد ته د دې دندې مبارکي وویله او د لا بریالیتوب هیله یې وکړه.
وروسته ښاغلي حماد د لوړو زده کړو وزارت د مشرتابه مقام او د کابل پولي تخنیک پوهنتون د مشرتابه د پاملرنې او باور له امله مننه وکړه او ژمنه يې وکړه، چې خپله دنده په ښه ډول سرته رسوي او د هیواد او خلکو د خدمت لپاره به نه ستړې کیدونکې هلي ځلې کوي.
د اړیکو او عامه پوهاوي آمریت
