په کابل پولي تخنیک پوهنتون کې د علمي او مسلکي پیژند پاڼې (سي وي) لیکلو او پاورپاینټ کمپیوټري پروګرام په اړه دوه ورځنی تعلیمي سیمینار جوړ شو.
دا سیمینار د محصلینو د مهارتونو د لوړولو په موخه د علمي او مسلکي پیژند پاڼې (سي وي) لیکلو او پاورپاینټ کمپیوټري پروګرام د کارونې په اړه جوړ شوی و، چې پکې د دې پوهنتون ګڼ شمېر محصلینو ګډون کړی و.
په پیل کې د محصلانو چارو مرستیال ښاغلي حافظ انجنیر عنایت الله رحیمي د د علمي او مسلکي پیژند پاڼې (سی وی) لیکلو او پاورپاینټ پروګرام د کارونې او اهمیت په اړه خبرې وکړې او محصلینو ته یې وښودله چې د دې سیمینار درسونو ته باید ځانګړې توجه وکړي.
همد راز ښاغلي انجنیر حامد غزنوي د علمي او مسلکي پیژند پاڼې (سی وی) لیکلو او د پاورپاینټ کمپیوټري پروګرام د ښې او مؤثره کارونې په اړه په تفصیل سره خبري وکړې. نوموړي محصلینو ته د علمي او مسلکي پیژند پاڼې (سی وی) د جوړولو او مسلکي کولو اړوند مهم ټکي تشریح کړل او د پاورپاینټ کمپیوټري پروګرام د ښې کارونې په اړه یې پریزینټیشن له ګډونوالو سره شریک کړ.
