د کابل پولي تخنیک پوهنتون محصلینو ته د اطلاعاتو او کلتور وزارت د ځانانو چارو مرستیال د ازاد بحث په ترڅ کې د ځوانانو پوښتنو او اندېښنو ته ځوابونه وویل
غونډه د قرآنکریم د مبارکو آیاتونو په تلاوت سره پيل شول.
د اسلامي نظام تر عنوان لاندې غونډه د ځوانانو د روښانه راتلونکي ضمانت کوي، د اطلاعاتو او فرهنګ وزارت د ځوانانو چارو معین ښاغلي مولوي محمد یونس رشید او د کابل پولي تخنیک پوهنتون د رهبرۍ کمیټې، استادانو او محصلینو په ګډون سره غونډه جوړه شوه.
لومړی د کابل پولي تخنیک پوهنتون سرپرست رئیس ښاغلي انجنیر سردار ولي صالحي ټولو ته د ښّ راغلاست وینا ترڅنګ د دې غونډې له تنظیموونکو څخه یې مننه او قدرداني وکړه او دا یې د ځوانانو د پوښتنو او نظریاتو د وړاندې کولو لپاره یو مناسب فرصت وباله.
ورپسې د اطلاعاتو او فرهنګ وزارت د ځوانانو چارو معین ښاغلي مولوي محمد یونس رشید د اسلامي نظام په چوکاټ کې د ځوانانو د پرمختګ او راتلونکي لپاره د شته فرصتونو او امکاناتو په اړه معلومات ورکړل، او د هېواد په ابادۍ او پرمختګ کې یې ګټه پورته کړه او له ټولو ځوانانو یې وغوښتل چې د هېواد په ابادۍ او پرمختګ کې فعاله ونډه واخلي.
د ازاد بحث په دوام کې محصلینو بېلابېلې پوښتنې وړاندې کړې، چې د ښاغلي مولوي محمد یونس رشید لخوا ورته د قناعت وړ ځوابونه ورکړل شول.
غونډه محصلینو ته د ډالیو په ویشلو او دعایې په ویلو سره پای ته ورسیده.
