د کابل پولي تخنیک پوهنتون مالي او اداري مرستیال مولوي محمد یاسین حقاني د دې پوهنتون د لیلیې امریت څخه لیدنه وکړه

دا چې د لوړو زده کړو وزارت د دعوت او ارشاد ریاست له خوا په کابل پولي تخنیک پوهنتون کې د ولایتوني پوهنتونونو د محصلینو لپاره اصلاحي او عقیدتي درسونه پیل شوي، چې د خوراک، څښاک، هستوګنې او اړوند نور ټول خدمات یې د کابل پولي تخنیک پوهنتون په غاړه لري.
په همدې اساس د کابل پولي تخنیک پوهنتون مالي او اداري مرستیال ښاغلي مولوي محمد یاسین حقاني د لیلیې آمریت له ټولو برخو څخه لیدنه وکړه.
ښاغلي حقاني د خوراکي توکو کیفیت، پخلنځي، د اوسیدلو ځای له نږدې ولید او په دې برخه کې یې د محصلینو نظرونه وواریدل او اړوند مسؤلینو ته یې لازمې لارښوونې وکړې.
د یادونې وړ ده چې د یاد محصلین له زابل، غزني، بامیان، میدان وردګ ، کندهار او دایکندي ولایتونو څخه دعوت شوي، چې یاد درسونه به ۱۵ ورځې دوام وکړي.