د کابل پولي تخنیک پوهنتون علمي شورا غونډه ترسره شوه

غونډه د قرآنکریم د مبارکو آیاتو په تلاوت سره پیل شوه.
یاده غونډه د کابل پولي تخنيک پوهنتون د عمومي رئيس محترم پوهنوال دیپلوم انجنير عبدالرشيد اقبال په مشرۍ تر سره شوه.
لومړی ښاغلي اقبال ټولو ته د ښه راغلاست وینا وکړه او ترڅنګ یی د غونډې اجنډا په مفصل شکل له ګډونوالو سره شریکه کړه، نوموړي د کارونو د ښه والی په اړه ا‌ړوند مسولینو ته لازمې مشورې او سپارښتنې وکړې.
ورپسې د غونډې له اجنډا سره سم د پوهنتون د علمي شورا د پخوانیو پرېکړو د تطبیق راپور شریک شو او تر څنګ یې د استادانو د علمي ترفیعاتو، د استادانو د تقرر او انفکاک او نورو متفرقه موضوعاتو په هر اړخیز بحث تر سره شو.
د یادونې وړ ده، چې په دغه غونډه کې د کابل پولي تخنیک پوهنتون علمي مرستیال ښاغلي انجنیر عنایت الله رحیمي، مالي او اداري مرستیال ښاغلي مولوي محمد یاسین حقاني د علمي تحقیقاتو او مجلې مرستیال ښاغلي دکتور احمد جواد نیازي، پوهنځیو رئیسانو او د علمي شورا غړو ګډون درلود.
غونډه د دعايې په ویلو سره پای ته ورسیده.