د کابل پولي تخنیک پوهنتون د اوبو او چاپیریال انجنیري پوهنځی، د اوبو رسونې او چاپیریال انجنیري څانګې محصلینو د خپلو دیپلوم پروژو څخه دفاع وکړه.
دفاع غونډه د قرآن کریم د څو مبارکو آیاتونو په تلاوت سره پیل شوه.
په یاده غونډه کې د کابل پولي تخنیک پوهنتون رهبري هیئت، استادانو، د سکتوري ادارو استازو، محصلینو او مېلمنو ګډون درلود.
د تعلیمي اصولو له مخې، د پوهنتونونو د وروستي کال محصلین باید د فارغېدو او تحصیلي سند ترلاسه کولو لپاره خپل دیپلوم پروژې دفاع کړي، چې په دې اساس د کابل پولي تخنیک پوهنتون د اوبو او چاپیریال انجنیري پوهنځی، د اوبو رسونې او چاپیریال انجنیري څانګې محصلین وتوانېدل ترڅو خپلې دیپلوم پروژې په بریالیتوب سره دفاع کړي.
د دې څانګې فارغین د هیواد د علمي او فني ظرفیتونو په پیاوړتیا کې مؤثر رول لري په ځانګړې توګه د اوبو سرچینو، اوبو رسونې او چاپېریال په برخه کې، یاد فارغان کولای شي چې د خپلو مهارتونو او پوهې په کارولو سره د ټولنې او خپل هیواد لپاره هر اړخیز خدمت ترسره کړي.
د یادونې وړ ده چې له یادې څانګې څخه د (۳۱) تنو محصلینو له ارزونې او د ژورې کمېټې د تائید وروسته د لیسانس په کچه ټولنې ته د په خدمت موخه وړاندې شول.
