د تضمین کیفیت او اعتبار لوړونې د یوولس معیارونو تشریح او ساتنې په اړه سیمینار دائیرشو.
غونډه د قرانکریم د مبارکو ایتونو په تلاوت سره پیل شوه.
په کابل پولي تخنیک پوهنتون کې د تضمین کیفیت او اعتبار لوړونې یوولس مادیز سیمینار د مسلکی پراختیا آمریت له خوا د رهبرۍ پلاوي او استادانو په ګدون جوړ شو.
د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال د استادانو حضور ته ښه راغلاست ووایه او د یاد سیمینار جوړول یې د همدې پوهنتون د تضمین کیفیت لپاره اړین وګڼل او له استادانو څخه یې په دغه سیمینار کې د ګډون له امله مننه وکړه.
ورپسې ښاغلي پوهاند محمد انور سراج د پوهنتون د تضمین کیفیت او اعتبار ورکولو کمیټې په استازیتوب د تضیمن کیفیت سند ترلاسه کول د کابل پولي تخنیک پوهنتون لپاره یوه مهمه لاسته راوړنه وبلله او همدارنګه یې د تضیمن کیفیت د معیارونو ساتل او په لنډمهاله او اوږدمهاله پلانونو د تطبیق تینګار وکړ. همدارنګه د استادانو لپاره د تضیمن کیفیت د پلانونو او پروګرامونو د تطبیق په اړه په تفصیل سره هر اړخیز توضیحات ورکړل.
