د کابل پولي تخنیک پوهنتون د دعوت او ارشاد کمېټې غونډه ترسره شوه

غونډه د قرآنکریم د مبارکو آیاتو په تلاوت سره پیل شوه.
یاده غونډه چې د کابل پولي تخنیک پوهنتون د مالي او اداري مرستیال مولوي محمد یاسین حقاني په مشرۍ جوړه شوې وه په کې ښاغلي حقاني د کمېټې د غړو حضور ته ښه راغلاست ووایه او د یادې کمېټې فعالیتونه او کارونه یې مهم او اړین وبلل.
همدا رنګه ښاغلي حقانی : د پوهنتون په چاپېریال کې د اسلامي اخلاقو مراعات، په دفترونو کې له مراجعینو سره ښه او مناسب چلند، د پوهنتون په چاپېریال کې د غیر اخلاقي فعالیتونو او فساد مخنیوي، د سالم چاپیریال ساتنه او پالنه ، د قومي، نژادي او سمتي تعصبونو مخنیوی، په کارونو کې د ګډې همکاري، د مدرسې او پوهنتون تر منځ د فاصلې کمولو په اړه هر اړخیزې خبرې وکړې.
ورپسې د کابل پولي تخنیک پوهنتون د دعوت او ارشاد آمر او د کمیټې ریس ښاغلي مولوي عبدالخلیل درویش د دغه آمریت د فعالیتونو او کارونو په اړه هر اړخیز معلومات وړاندې کړل.
د یادونې وړ ده چې په دې غونډه کې د دعوت او ارشاد کمیټې د کاري طرزالعمل ترتیب او جوړول، د عملیاتي او تطبیقی پلان ترتیب کول او د دعوت او ارشاد کمېټې د تصويبونو او پریکړو د تدوين په اړه لازمې پریکړې وشوې.
غونډه د دعایې په ویلو سره پای ته ورسیده.