د کابل پولي تخنیک پوهنتون علمي شورا نوبتي غونډه ترسره شوه.
دا غونډه چې د کابل پولی تخنیک پوهنتون د سرپرست رئیس ښاغلي انجنیر سردار ولي صالحی په مشرۍ جوړه شوې وه، پکې د پوهنتون رهبري هیئت، د پوهنځیو رئیسانو او د علمي شورا غړو ګډون درلود.
په پیل کې ښاغلي انجنیر سردار ولي صالحي ټولو ګډونوالو ته د ښه راغلاست وینا ترڅنګ د اجندا مطابق د مختلفو علمي او اکادمیکو موضوعاتو په اړه خبرې وکړې.
نوموړي له ټولو غړو څخه وغوښتل چې د تدریس د کیفیت د ښه والي، د نویو تحقیقي میتودونو د کارولو، د شته منابعو او وسایلو د مؤثرې استفادې، او د پوهنتون د علمي او اکادمیکې کچې د لوړولو لپاره همغږي او د همکاري هڅې وکړي.
ورپسي د اجندا مطابق د عمومي ریاست، څلورګونو معاونیتونو او اته ګونو پوهنځیو د 1404 تحصیلی کال د کاري، عملیاتی او تطبیقي پلانونو د نهایی کولو، تقرر، انفکاک، علمي ترفیعاتو او نورو متفرقه موضوعاتو په اړه بحث او نظرونه تبادله شول، چې د پوهنتون د رهبري هیئت له خوا د ارزونې وروسته اړین تصمیمونه ونیول شول.
په پای کې د علمي شورا غړو هر یو خپلې نظریې او وړاندیزونه د علمي او اکادمیک بهیر د ښه والي په موخه بیان کړل، چې رهبري هیئت یې د اورېدو تر څنګ لازمې مشورې او لارښوونې وړاندې کړې.
غونډه د دعایې په ویلو سره پای ته ورسیده.
