د کابل پولي تخنیک پوهنتون د ( HEMIS ) سیستم د تطبیق په اړه د اتو پوهنځیو د څانګو له آمرینو او تدریسي مدیرانو سره د رهبري پلاوي مشورتي غونډه ترسره شوه
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د پوهنځیو د تدریسي چارو د روڼتیا او اسانتیا په موخه د (HEMIS) سیستم د تطبیق په اړه خبرې وکړې.
محترم اقبال زیاته کړه: د څانګو آمرین او د پوهنځیو تدریسي مدیران باید له دې سیسټم څخه د زده کوونکو په انلاین درسونو کې د لا روڼتیا او اسانتیا د رامنځته کولو لپاره کار واخلي، نوموړي د دغه پوهنتون له ټولو منسوبینو څخه وغوښتل، چې د لوړو زده کړو وزارت او د پوهنتون د رهبرۍ د پرېکړو په پلي کولو کې له ډېر پاملرنه څخه کار واخلي.
دغه راز د کابل پولي تخنیک پوهنتون د محصلانو چارو مرستیال ښاغلي انجنیر ویس الدین بریالي هم د (HEMIS) سیستم په کارولو او تطبیق ټینګار وکړ، او له اړوندو مسوولينو څخه يې وغوښتل چې د ياد شوي سيستم په کارونې او پلي کولو کې پوره همکاري وکړي.
ورپسې د غونډې ګډونوالو خپلې پوښتنې، نظریات او وړاندیزونه رهبري ته وړاندې کړل چی د مسولینو له خوا ورته د ستونزو د حل او هر راز همکاري ډاډ ورکړل شو.
غونډه د دعایې په ویلو سره پاي ته ورسید.
