ورزشي خبرتیا!
د کابل پولي تخنیک پوهنتون د ورزشي چارو آمریت د ورزشي لوبو مهالوېش مطابق غواړي په ۱۴۰۳ کال کې د ورزشي استعدادونو د ظرفیت لوړولو او همدارنګه د کابل پولي تخنیک پوهنتون د کرکټ منتخبې لوبډلې لپاره د لوبغاړو انتخابولو په موخه د کرکټ لوبو روزنیز کمپ پر لاره واچوي، چې د یاد روزنیز کمپ په پای کې به بااستعداده لوبغاړي د پوهنتون منتخبې لوبډلې ته غوره کړای شي.
په دې اساس د کرکټ ټول لوبغاړي او مینوال کولای شي چې په یاد روزنیز کمپ کې د ګډون او د پوهنتون منتخبې لوبډلې ته د انتخابېدو په موخه د نوملیکنې فورم د ثور میاشتې له ۸ تر ۱۵ نېټې د ورزشي چارو له آمریت څخه د سهار ۸ بجو څخه د ماسپښين تر ۱۲ بجو ترلاسه کړي.
د یادونې وړ ده چې له تعیین شوې نېټې څخه وروسته هیڅ محصل د نوملیکنې او په روزنیز کمپ کې د ګډون حق نلري.
