د لیسانس نه لوړو زده کرو پروګرامونو آمریت
- د کابل پولی تخنیک پوهنتون د لیسانس نه لوړو زده کرو پروګرامونو آمریت :
د کابل پولی تخنیک پوهنتون د فوق لیسانس پروګرامونه له نژدې څوارلسو کلونو راهیسې په بېلابېلو انجنیري برخو کې فعال دي او د هېواد د مسلکي کادرونو په روزنه کې مهم رول لري. د دې پروګرامونو موخه د علمي ظرفیت لوړول، د تخنیکي مهارتونو پیاوړتیا او د انجنیري سکتور د متخصصینو روزنه ده.
تر اوسه پورې شاوخوا 1200 تنه زیاد محصلین په مختلفوبرخو کې د ماسټري سندونه ترلاسه کړي دي:
یاد فارغان اوس د هېواد په دولتي ادارو، خصوصي سکتور، ساختماني شرکتونو، ملي پروژو، تعلیمي بنسټونو او نورو تخصصي ادارو کې په خدمت بوخت دي.
په لومړیو کلونو کې د فوق لیسانس پروګرامونه د معاونیت علمي تر مدیریت لاندې اداره کېدل؛ خو وروسته د دې پروګرامونو د ښه مدیریت لپاره د آمریت مستقل بست رامنځته شو.
د مکتوب په اساس د ۷۲ شمېرې او د ۱۴۰۰/۲/۱ نېټې، محترم پوهنمل فضلالرحمن اخلاص د فوق لیسانس پروګرامونو د آمر په توګه وټاکل شو او د خپلې دورې په اوږدو کې یې مهمې علمي او اداري لاسته راوړنې درلودې.
وروسته، په نېټه ۱۴۴۶/۱/۱ هجري قمري، محترم پوهنمل دوکتور محمدعالم وردګ، د ساختماني پوهنځي استاد، په رسمي ډول د کابل پولی تخنیک پوهنتون د فوق لیسانس پروګرامونو د آمر په توګه معرفي او مقرر شو.
کابل پولی تخنیک پوهنتون د فوق لیسانس پروګرامونو د لا پیاوړتیا، معیاري کولو او د ملي اړتیاوو سره سم د کیفیت لوړولو لپاره خپل هڅې دوامداره کوي.
کابل پولی تخنیک پوهنتون د هېواد په کچه یو له مخکښو انجنیري تعلیمي بنسټونو څخه دی چې د فوق لیسانس او دوکتورا پروګرامونه یې د نړیوالو اکادمیکو معیارونو او د افغانستان د تخنیکي او مسلکي اړتیاوو پر بنسټ منظماً پر مخ ځي. د دې پروګرامونو اصلي موخه د مسلکي کادرونو روزنه، د علمي ظرفیت لوړول، د تخصصي مهارتونو پیاوړتیا او د پرمختللو تحقیقاتو هڅونه ده.
د دوکتورا فعال پروګرامونه
اوس مهال د پوهنتون دوه فعال دوکتورا پروګرامونه دي:
د جیوساینس دوکتورا (Geoscience)
د سترکچر دوکتورا (Structural Engineering)
دا پروګرامونه د هېواد د علمي څېړنو او متخصصینو د لوړولو په برخه کې مهم پرمختګ ګڼل کېږي.
د ماستری فعاله برنامی
د کابل پولیتخنیک پوهنتون فوق لیسانس (ماستری ) پروګرامونه په بېلابېلو انجنیري څانګو کې فعال دي او د هېواد د زیربنایي سکتور اړتیاوو ته په کتو تدریس کېږي. چی په لاندی ډول سره دی :
- د هایدرولیکی جورښتونوانجنیري ماستری
- د ودانیو جورښت انجنیری ماستری (Structural Engineering)
- د ودانیو مهندسی ماستری
- د ودانیو انجنیري مدیریت ماستری
- د ترانسپورتیشن ودانیو انجنیري
- د سروې انجنیري ماستری
- د ښاری پلان جوړونی او طراحی ماستری
- د جیولوجی او کانونود اکتشاف انجنیری ماستری
- د هایدروجیولوجي او جیولوجی انجنیری ماستری
- د پټرولیم انجنیري ماستری
- د نفت وګازد کیمیاوي صنايعو انجنیري
- د اوبو د زیرموهراړخیز مدیریت (Integrated Water Management)
- د برښنا انجنیري ماستری
- د اتومیخانیک انجنیري ماستری
پورته ټول پروګرامونه فعال محصلین لري او د معیاري نصاب، مسلکي استادانو او باکیفیته تدریس له لارې پر مخ وړل کېږي.
کابل پولی تخنیک پوهنتون ژمن دی چې خپل فوق لیسانس پروګرامونه د هېواد د اړتیاوو او نړیوالو معیارونو سره سم نور هم معیاري او پیاوړي کړي.
- موخې
- د اصولو له مخي د ورسپارل شویو کارونو سالم او موثر مدیریت.
- د ماسترۍ او دکتورا پروګرامونو د علمی او اداری چارو کې د اسانتیاوو او پرمختګونو رامنڅته کول.
- د یادو پروګرامونو په اړوندو برخواو بنشټونو او تشکیلاتو کې د همغږۍ رامنځته کول.
- د ماستري پروګرامونو اړوند محصلانو، استادانو او اداري کارکونکو اداري او علمی چارو ته د علمی مرستیالی او د پوهنتون د رهبرۍ ترچتر لاندی پروخت رسیدنه.
- دندې
- د لیسانس نه لوړو پروګرامونو اړوند د علمي او اداري چارو نظارت او ارزونه.
- د اړوندو اداری چارو ترسره کول (مکتوبونه، وړاندیزونه ...)
- د لیسانس نه لوړو پروګرامونو د بورد په ناستو کې د غړي او منشي په توګه ګډون کول.
- د ثبت په کتاب کې د نوموړی بورد د فیصلو لیکل او اړوندو مراجعو ته تکثیرول.
- د دې آمریت تر چتر لاندی اړوندو اداری کارکونکو د اصولو مطابق دندې سپارل او د هغوی ترمنځ دهمغږی رامنځته کول.
- د لیسانس نه لوړو پروګرامونو اړوند استادانو، کارکونکو د میاشتنیو حق الزحمو راپورنه کنترولو او اړوندو مراجعو ته راجع کول.
- د مراجعینو غوښتلیکونو او نورو اسنادو ته پروخت رسیدنه
- د لوړو زده کړو محترم وزارت سره د کابل پولی تخنیک پوهنتون د ماسترۍ او نورو پروګرامونو د ارزونی، نظارت او نورو اړوندو چارو کی همکاری او همغږي.
- د لوړو زده کړو وزارت د لیسانس نه لوړو پروګرامونو د کمیسیون په ناستو کې د غړي په توګه ګډون کول.
- د لیسانس نه لوړو پروګرامونو آمر پوهنمل دوکتور محمد عالم وردګ
د تشکیلاتو چارت
