د کابل پولي تخنیک پوهنتون د هندبال د برخې د لوبغاړو ستاينه
محفل د کلام الله مجید پیل شو
لومړی ښاغلي پوهنوال دیپلوم انجینرعبدالرشید اقبال د کابل پولي تخنیک پوهنتون عمومي رئیس لوبغاړو ته د دویم مقام او کپ لاس ته راوړلو مبارکي وویله، او د لوبغاړو پام يې زده کړې، ورزشي اخلاقو او ښې روغتیا ته د اړولو سربېره، دوی ته د نورو بریاوو غوښتنه وکړه.
وروسته ښاغلي انجینرزیارمل خطاب د لوړو زده کړو وزارت ځانګړي استازي د اسلامي نظام د بریا تر څنګ لوبغاړو ته د دویم مقام د لاسته راوړلو مبارکي وویله، او د ورزش اهمیت يې د اسلام د سپيڅلي دین له نظره، بدن او ذهن لپاره اړین وبللو، زده کړو او عبادت ته يې د ځوانانو په پاملرنې ټینګار وکړ، همدا راز د احادیثو او دیني حکایاتو په رڼا کې يې ورزش ته د لوبغاړو پام راجلب کړ.
ورپسې قاضي محمد انس مجاهد د طبابت له نظره د ورزش په اهمیت، روح او جسم ته د روغتیا په اړه بشپړ معلومات ورکړل، لوبغاړو او د اړوند ورزشي دیپارتمنت استادانو ته يې د دغه مقام تر لاسه کولو مبارکي وویله.
په پای کې لوبغاړو ته کپ او ستاینلیکونه ورکړل شول.