د کابل پولي تخنیک پوهنتون د تظمین کیفیت د یوولسو معیارونو د ساتلو او د دې پوهنتون د تضمین کیفیت د آمر په توګه دښاغلي پوهنیار دیپلوم انجنیر ذبیح الله حیدري د معرفي کولو په اړه غونډه تر سره شوه.
غونډه د قرآنکریم د مبارکو آیاتونو په تلاوت سره پیل شوه
په دې غونډه کې د کابل پولي تخنیک پوهنتون عمومي رئیس ښاغلي پوهنوال ديپلوم انجنیر عبدالرشید اقبال، علمي معاون ښاغلي انجنیر روح الله روحاني، مالي او اداري معاون ښاغلي انجنیر سید مصباح الدین هاشمي او د پوهنتون د تضمین کیفیت کمیټې غړو ګډون کړی وو.
لومړی د کابل پولي تخنیک پوهنتون عمومي رئیس ښاغلي پوهنوال ديپلوم انجنیرعبدالرشید اقبال ټولو ته ښه راغلاست وویل او د تضمین کیفیت د یوولسوګونو معیارونو د ساتلو په اړه یې په تفصیل سره خبرې وکړې او یې وغوښتل چې دغه د اعتبار سند د ټاکل شويو معیارونو پر بنست سره وساتل شي.
همدارنګه ښاغلي اقبال د دغه پوهنتون د تضمین کیفیت په برخه کې د ښاغلي انجنیر ذبیح الله حیدري د ټاکل کیدو مبارکي ورکړ او هغه ته یې د بریالیتوب هیله وکړه.
ورپسې د دغه پوهنتون د تضمین کیفیت آمر ښاغلي پوهنیار دیپلوم انجنیر ذبیح الله حیدري د پوهنتون د رهبري مقام څخه مننه وکړه چې، په نوموړي یې باور کړی او یاد مسؤلیت یې ورته سپارلی.
ښاغلي حیدري ژمنه وګړه چي خپله دنده به په پوره صداقت سره سر ته رسوي.
غونډه د دعایې په ویلو سره پای ته ورسیده.
