د جیولوِجي او معادن پوهنځي د معادنونو اکتشاف او انجنیري څانګې محصلینو د ماستري تیزس اوومې دورې دفاعي غونده تر سره شوه
غونډه د قرآنکریم د مبارکو آیتونو په تلاوت سره پیل شوه.
یاده غونده چې د کابل پولي تخنیک پوهنتون کې ترسره شوه، پکې د یاد پوهنتون عمومي رئيس ښاغلي پوهنوال دیپلوم انجنیر عبدالرشید اقبال، د کابل پولي تخنیک پوهنتون مالي او اداري معاون انجنیر زیارمل خطاب، د پوهنځیو رئیسانو، استادانو او محصلینو ګډون درلود.
لومړی دیاد پوهنتون عمومي رئیس ښاغلي اقبال فارغ شویو محصلینو ته د مبارکي ترڅنګ تولو ګدونوالو ته د ښه راغلاست وینا وکړه.
نوموړي له یادو محصلینو څخه هیله وکړه، تر څو خپلې پوهې، تجربې او مهارتونه د هیواد په پرمختګ او بیارغونه کې و کاروي.
ورپسې د کابل پولي تخنیک پوهنتون مالي او اداري معاون انجنیر زیارمل خطاب په خپلو خبرو کې زیاته کړه چې، اوسنی کاري چاپیریال د ټولو لپاره غوره فرصت دی او ټول علمی کادرونه باید په ښه ټوګه ورڅخه استفاده و کړي.
په اخیر کې د جیولوجي او معادن پوهنځي استاد د پروګرام په اړه هر اړخیز معلومات وړاندې کړل او ورپسې فارغ شویو محصلینو په نوبت سره د تیزسونو په دفاع پیل وکړ چې دوه ورځې به دوام وکړي.
