د برېښنا او مقناطیس فزیک په نوم درسي کتاب د چاپ په ګاڼه سمبال شو.
د " بریښنا او مقناطیس فزیک" تر عنوان لاندې علمي کتاب ، چې د کابل پولي تخنیک پوهنتون د الکترو میخانیک پوهنځي د فزیک څانګې استاد محمد ضیأ زاهدی له خوا لیکل شوی، د یاد پوهنتون په عمومي چاپخونه کې چاپ شوی دی.
دا علمي اثر په ۱۲ فصلونو او ۳۳۱ مخونو کې ترتیب شوی او د فزیک څانګې محصلانو لپاره د یو معتبر تحصیلي ماخذ په توګه چمتو شوی دی.
د کتاب محتوا کې مهم مفاهیم شامل دي لکه بریښنایې او مقناطیسي ساحې، د فزیک قوانین، برقي مدارونه، څپې او نور بنسټیز او عملي موضوعات، چې د ساده علمي ژبې، تطبیقي بیلګو او تمرینونو په مرسته د فزیکي مفاهیمو درک محصلانو ته اسانه کوي.
د کابل پولي تخنیک پوهنتون مشرتابه دا علمي لاسته راوړنه استاد زاهدی ته مبارکي وايي او د زده کړیزو منابعو د بډایه کولو په برخه کې د نوموړي له هڅو مننه کوي.
د یادونې وړ ده چې دا علمي اثر د کابل پولی تخنیک پوهنتون د نشراتو آمریت په مطبعه کې چاپ شوی او د پوهنتون په عمومي کتابتون کې د استادانو، محصلانو او علاقمندانو لپاره د لاسرسي وړ دی.
