د کابل پولي تخنیک پوهنتون نړیوال ژرونال چاپ او نشر ته وسپارل شو.
د کابل پولی تخنیک پوهنتون 4 جلد 2 شمیره نړیوال ژورنال چې د کابل پولي تخنیک پوهنتون د څیړنو او علمي مجلې معاونیت له خوا ترتیب او خپریږي، د استادانو، څیړونکو او د ماستري محصلینو علمي او څیړنیزې مقالې پکې شاملې دي.
دغه ژورنال د علمي او څیړنیزې پوهې د لوړولو په هدف په داخلي او نړیواله کچه مقالې په کې ځای پر ځای او د چاپ تر څنګ په انلاین شکل هم پر لیکه کیږي.
په نړیواله کچه د یاد ژورنال خپرول به د کابل پولي تخنیک پوهنتون علمي او اکاډمیک ځای په تقویه کولو کې لا زیاته مرسته وکړي. او کابل پولي تخنیک پوهنتون به د دې بهیر د ګړندي کولو لپاره لا ډیري هڅي وکړي.
د یادوني وړ ده چې دغه ژورنال د یوې معتبر علمي سرچینې په توګه آنلاین خپور شوی او په فزیکي شکل د کابل پولي تخنیک پوهنتون عامه کتابتون کې د استادانو، محصلینو او علاقمندانو لپاره د لاسرسي وړ دی.
