په کابل پولي تخنیک پوهنتون کې نویو ګمارل شویو کارکوونکو ته د پلان جوړونې او مکتوبونو او مدیریت په اړه د پنځه ورځني ورکشاپ د پای ته رسېدو په موخه د سندونو د ویش مراسم ترسره شول.

6/6/1402

مراسم د قرآنکریم د مبارکو آیاتونو په تلاوت سره پیل شوه.
په دې مراسمو کې د پوهنتون د محصلانو چارو مرستیال ښاغلي ویس الدین بریالي، د پوهنتون د بشري سرچینو آمر
ښاغلي مولوي رشید احمد حقاني، د لوړو زده کړو وزارت د ظرفیت لوړونې آمر ښاغلي عبیدالله مولایی او هغه سره
پلاوي او یو شمیر د کابل پولي تخنیک کارمندانو ګدون درلود.
لومړی د دغه پوهنتون د محصلانو چارو مرستیال ویس الدین بریالي میلمنو او کارمندانو ته د ښه راغلاست وینا وکړه او
د لوړو زده کړو وزارت د ظرفیت لوړونې آمریت څخه یې د دغه ډول پروګرامونو د جوړولو له امله مننه او قدرداني
وکړ.
ښاغلي بریالي دا ډول پروګرامونه د نویو ګمارل شویو کارمندانو د ظرفیت او مهارتونو د لوړولو لپاره ګټور وبلل او د
بریالیتوب هیله یې وکړه.
ورپسې د لوړو زده کړو وزارت د ظرفیت لوړونې آمر او د دغه پروګراموم ښوونکی ښاغلي عبیدالله مولایی په یاد
ورکشاپ کې د کابل پولي تخنیک د کارمندانو د ګډون له امله مننه وکړه.
او له کارمندانو څخه يې وغوښتل چې له یاد ورکشاپ څخه ترلاسه شوي زده کړې او مهارتونه په خپلو ورځنيو کارونو
کې عملي او له خپلو همکارانو سره يې شريک کړي.
مراسم د ستاینلیکونو په ویشلو او دعایې په کولو سره پای ته ورسیدل.