په کابل پولی تخنیک پوهنتون کې د "اسلامي نظام ارزښت او اهمیت" تر سرلیک لاندې سیمینار ترسره شو.
سیمینار د قران کریم د څو مبارکو آیتونو په تلاوت سره پیل شو
په کابل پولی تخنیک پوهنتون کې د "اسلامي نظام ارزښت او اهمیت" تر عنوان لاندې سیمینار د محصلینو په ګډون ترسره شو. چې هدف یې د اسلامي نظام بېلابېلو اړخونو او په فردي او ټولنیز ژوند باندې د هغه اغېز تحلیل و.
لومړی د کابل پولی تخنیک پوهنتون د اسلامي ثقافت څانګې استاد مولوي محمد نواب محمدي د اسلامي نظام پر بنسټیزو اصولو لکه عدالت، ازادي، خپلواکي او ټولنیزې هوساینې مفصلې خبرې وکړې. هغه ټینګار وکړ چې اسلامي نظام د دیني ارزښتونو پر بنسټ ولاړ دی، او د انسان کرامت او مقام ته لومړیتوب ورکوي.
د سیمینار په پای کې، محترم مولوي عبدالکریم افغان، د اسلامي ثقافت څانګې آمر، د دې ډول سیمینارونو د ارزښت یادونه وکړه او څرګنده یې کړه چې دا ډول پروګرامونه به هره اونۍ ترسره کېږي.
یاد سیمینار د پوهنتون فرهنګي کمیټې، د محصلینو د خدماتو د انسجام آمریت، او د اسلامي ثقافت څانګې په همغږۍ ترسره شو او د دعا په ویلو سره پای ته ورسېد.
