په کابل پولي تخنیک پوهنتون کې د کیفیت تضمین د اعتبار ورکولو د سند د ساتلو څلور ورځنی سیمینار جوړ شو.
سیمینار د قرانکریم د مبارکو آیاتونو په تلاوت سره پیل شو.
دغه سیمینار چې د کیفیت تضمین د ښه والي او د چارو د ښه اجرا په موخه په لاره اچول شوی وو، پکې د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال، علمي معاون حافظ انجنیرروح الله روحاني او د کيفيت تضمين کميټې غړو ګدون کړی و.
لومړی د کابل پولي تخنیک پوهنتون د کیفیت تضمین آمر ښاغلي پوهنیار دیپلوم انجنیر ذبیح الله حیدري د اعتبار ورکولو د سند د ساتلو د څرنګوالي او د دغه سیمینار د اجنډا په اړه خبرې وکړې.
ورپسې محترم پوهنمل محمد امین امین د سیمینار ګډونوالو ته د کیفیت تضمین د معیارونو او شاخصونو په اړه هر اړخیز توضیحات ورکړل او په دې اړه ترتیب شوی سیمینار یې ګدونوالوته وړاندې کړ.
همدا راز د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال او د دغه پوهنتون علمي مرستیال حافظ انجنیر روح الله روحاني د اعتبار ورکولو د سند د ساتلو په اړه د خبرو پرمهال د کیفیت تضمین کمېټې او د پوهنمل محمد امین امین له کړنو څخه مننه او قدردانی وکړ.
