په کابل پولي تخنیک پوهنتون کې د پاک کاری حشر تر سره شو.
په کابل پولي تخنیک پوهنتون کې د پاک کاری حشر د محصلینو خدمتونو د انسجام آمریت او د دغه پوهنتون د پالندوی ټیم له خوا د پارسا موسسې په همکارۍ تر سره شو.
په دغه حشر کې د کابل پولي تخنیک پوهنتون پالندوی ټیم، مشرتابه هئیت، کارمندانو او کارکونکې او د پارسا موسسې رضاکارانو د پوهنتون شنې سیمې او پارکونه د کشافاتو له شتون څخه پاکې کړې.
د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال د محصلینو د خدمتونو د انسجام آمریت ، د پوهنتون د پالندوی ټیم او د پارسا موسسې له کړنو څخه مننه او قدرداني وکړه او په راتلونکي کې د دغه ډول پروګرامونو او کړنو د دوام غوښتنه وکړه.
همدا راز د پالندوی ټيم او د پارسا موسسې مسوولينو له دغه پوهنتون سره په فرهنګي او ټولنيزو برخو کې د خپلو همکاريو ژمنه وکړه.
