په کابل پولي تخنیک پوهنتون کې د بشري سرچینو نوی آمر معرفي شو.
ښاغلي رشید احمد حقاني د کابل پولي تخنیک پوهنتون د بشري سرچینو د نوي آمرپه توگه معرفي شو.
د معرفت مراسم د قرانکریم د مبارکو آیتونو په تلاوت سره پیل شوه.
لومړی د کابل پولي تخنیک پوهنتون عمومي رئیس ښاغلي پوهنوال دیپلوم انجنیرعبدالرشید اقبال په اداره کې تغییر او بدلون یو اداري اصل یاد کړ.
نوموړي د بشري سرچینو د پخواني آمر محمد انس مجاهد د کارونو او فعالیتونو څخه مننه وکړه او ورسره څنګ کې یې نوي آمر ته په کارونو کې د لابریالیتوب هیله وکړه.
ورپسې د کابل پولي تخنیک پوهنتون مالي او اداري مرستیال ښاغلي انجنیرسید مصباح الدین هاشمي د بشري سرچینو آمریت د ټولو اداري کارکوونکو څخه هیله وکړه تر څو خپل کارونه د نوي آمر سره په همغږی، مخ ته یوسي.
نوموړي د پخواني آمر د کارونو قدرداني وکړه او له نوي آمر سره یې د هر راز همکاري ژمنه وکړه.
همدا راز د بشري سرچینو نوي آمر ښاغلي رشید احمد حقاني د کابل پولي تخنیک پوهنتون له مشرتابه څخه خوښي څرګنده کړه او د دې ادارې له ټولو غړو څخه یې د همکارۍ غوښتنه وکړه. ښاغلي رشیدی زیاته کړه چې ورسپارل شوې دنده به په پوره صداقت سره پر مخ وړي.
غونډه د دعائیی په ویلو سره پای ته ورسیده.
