د کابل پولی تخنیک پوهنتون د تقویتي پروګرامونو څخه د ۴۷۷ تنو محصلانو د فراغت غونډه تر سره شو.
د کابل پولی تخنیک پوهنتون د تقویتي پروګرامونو څخه د ۴۷۷ تنو محصلانو د فراغت محفل د پوهنتون د رهبرۍ، استادانو، کارکوونکو او محصلانو په ګډون ولمانځل شو.
د پوهنتون د محصلانو چارو معینیت د رسمي درسونو ترڅنګ د محصلانو لپاره په پسرلي سمستر کې د مختلفو تقویتي پروګرامونو زمینه برابره کړې وه.
د دې پروګرامونو څخه یې د اتوکډ، سیول تری ډي، کمپیوټر زده کړو، انګلیسي ژبې او پښتو ژبې پر تدریس باندې تمرکز کړی و، چې د محصلانو د فني او علمي مهارتونو د لوړولو په موخه ترسره کېدل.
د پوهنتون د رهبرۍ هیئت د محصلانو د دې پروګرامونو د فراغت په مناسبت دوی ته مبارکي وویله او په علمي ژوند کې یې د بریالیتوب او پرمختګ هیله وکړه.
