د کابل پولي تخنیک پوهنتون د پوهنځیو تر منځ د کرکت لس آوریزه ټورنمنت پیل شو 21/1/1445—17/5/1402

د ټورنمنت د پیل مراسم  د قرآنکریم د مبارکو آیاتونو په تلاوت سره پیل شول.

په دې مراسمو کې د کابل پولي تخنیک پوهنتون مشرتابه، د الفت ښوونیز مرکز مسوولینو، اداري آمرینو، استادانو، محصلینو او میلمنو ګډون درلود . 

لومړی د کابل پولي تخنیک پوهنتون عومي رئیس ښاغلي پوهنوال دیپلوم انجنیر عبدالرشید اقبال ټولو ته د ښه راغلاست وینا وکړه، دغه راز د دغه پوهنتون د ورزشي آمریت له مسوولينو څخه يې د يادو سياليو د تر سره کولو له امله مننه او قدرداني وکړه.

نوموړي ورزشکارانو ته د سپورت د اهمیت په اړه خبرې وکړې او له دې لاري یې لا زیاتو زده کړه ته و هڅول. 

ورپسې د کابل پولي تخنیک پوهنتون د کرکټ لوبډلې  مسول احمد سیر عمرزي د دغه سیالیو د ترسره کېدو د څرنګوالي او هدف په اړه هر اړخیز معلومات وړاندې کړل.

په اخیر کې د یاد ټورنمنټ پیلیزه لوبه د کمپيوټر ساينس پوهنځي او د الکترو ميخانيک  پوهنځي د  کرکټ تیمونو  ترمنځ ترسره شوه چي،  په پایله کې، د کمپيوټر ساينس پوهنځي د الکترو ميخانيک  پوهنځي کرکټ ټیم ته په 60 منډو توپیر ماتې ورکړه.

ديادونې وړ ده چې په يادو سياليو کې د کابل پولي تخنیک پوهنتون د اتو پوهنځیو د کرکټ ټيمونو ګډون کړى او لس ورځې به دوام وکړي.