د کابل- جلال آباد لویې لارې په اوږدو کې د غر ښوېدنې پیښې د بررسي نتایج د یو کنفرانس په ترڅ کې له مسولینو سره شریک شول
څه موده وړاندې د کابل – جلال آباد لویې لارې په اوږدو کې د غر ښویدنې پیښه رامنځ ته شوي وه، چې د یادې پیښې د څیړولو په موخه د کابل پولي تخنیک پوهنتون د استادانو تخنیکي ټیم سیمې ته تللی وو.
د نوموړې پیښې د څیړنې او ارزوني نتایج د یو کنفرانس په ترڅ کې د جیولوجی او معادن پوهنځی استاد ښاغلي پوهنیار ضامن جعفري او د لویو لارو د جوړونې پوهنځي ریس ښاغلي پوهاند محمد نذیر نجابي له خوا د کنفرانس ګډونوالو سره شریک شول.
د یادونې وړ ده چې په دې کنفرانس کې د لوړو زده کړو وزارت علمي معین ښاغلي دکتور لطف الله خیرخواه، د محصلانو چارو معین ښاغلي مفتی محمد ظاهر احمد، د کابل پوهنتون عمومي ریس، د تعلیم و تربیې پوهنتون عمومي ریس، د کابل پولي تخینک پوهنتون رهبري غړو، استادانو او محصلینو ګډون درلود.
کنفرانس د ګدونوالو سوالونو ته د جوابونو او دعایې په ویلو سره پای ته ورسید.
