د لوړو زده کړو وزارت د نشراتو او عامه اړیکو رئیس د کابل پولي تخنیک پوهنتون له مشر تابه سره وکتل

د لوړو زده کړو وزارت د نشراتو او عامه اړیکو رئیس ښاغلي حافظ انجنیر روح الله روحاني د کابل پولي تخنیک پوهنتون له مشر تابه سره وکتل.
په دې کتنه کې چې د کابل پولي تخنیک پوهنتون علمي مرستیال ښاغلي حافظ انجنیر عنایت الله او د اړیکو او عامه پوهاوي آمر ښاغلي ارسلا مفتون هم حضور درلود، د کابل پولي تخنیک پوهنتون رئیس ښاغلي پوهنوال دیپلوم انجنیر عبدالرشید اقبال او ښاغلي روحاني، په رسمي ویب پاڼه، فیسبوک پانه او وتسآپ ګروپونو کې د راپورونو او اعلانونو د تنظیم، د واتسآپ گروپونوتر یو واحد چتر لانډې راوستل، د معتبرو خبرونو پر خپریدو، د نشراتو په برخه کې په همغږي او په یادو مواردو کې یې د لا ښه والي په موخه نظرونه تبادله کړل.
همدارنګه د دغه پوهنتون د اړیکو او عامه پوهاوي آمر ښاغلي ارسلا مفتون د سمعي او بصری او چاپ په برخه کې د دی آمریت گزارش او فعاليتونو راپور وړاندې کړ.
دغه راز دوی د اړیکو او عامه پوهاوي آمریت د تشکیل کمبود، د دغه آمریت د نشراتي وسایلو د کمښت، د چاپ د ماشینونو د نشتوالي په اړه هم خبرې وکړې، چې په اخیر کې ښاغلي روحاني د هر اړخیزو همکاریو ژمنه څرګنده کړه.