د کابل پولي تخنیک پوهنتون د اوبو او چاپېریال انجنیري پوهنځي ۳۹ تنه محصلین د عملي زده کړو لپاره وزارتونو او سکتوري ادارو ته معرفي شول.
د کابل پولي تخنیک پوهنتون د اوبو او چاپېریال انجنیري پوهنځي د اوبو ودانیو انجنیري څانګې ۳۹ تنه محصلین د عملي زده کړو (پرکتیک) او مسلکي تجربو ترلاسه کولو په موخه اوبو او انرژي وزارت، د کرنې، اوبو لګولو او مالدارۍ وزارت او بریښنا ریاست ته معرفي شول.
دغه بهیر د پوهنتون د رهبري او دولتي ادارو ترمنځ د همغږۍ له مخې تنظیم شوی، چې له مخې یې به یې د محصلینو د اوبو او انرژۍ، د کرنې، اوبولګولو او مالدارۍ او برشنا په برخه مسلکې زده کړې لا قوي شي.
د کرنې، اوبولګولو او مالدارۍ وزارت د عملي زدهکړو زمینه برابروي، تر څو محصلین د اوبو لګولو سیسټمونو په طرحه جوړولو، ارزونه او د اوبو د مؤثرې کارونې په برخو کې عملي تجربې ترلاسه کړي.
همدا راز برشنا ریاست هم د اوبو پر بنسټ د برېښنا تولید، د برېښنا رسونې شبکو طرحې او د اوبو د منابعو د استفادې له لارې، محصلینو ته د عملي زدهکړې زمینه برابروي.
د دې تر څنګ د اوبو او انرژۍ وزارت د بندونو جوړولو، د اوبو د انتقال او تنظیم سیسټمونو او هایدروولوجیکي مطالعاتو په برخو کې ارزښتناکې عملي تجربې محصلینو ته برابروي، تر څو له مهمو ملي پروژو سره له نږدې بلدتیا پیدا کړي.
د کابل پولي تخنیک پوهنتون مشرتابه د یادو وزارتونو او ادارو له همېشنیو همکاریو مننه کوي او ټینګار یې کوي چې دا ډول فرصتونه د محصلینو د فني او تخنیکي مهارتونو په لوړولو کې مهم رول لري او هغوی د کار بازار ته د چمتو کولو او د هېواد د خدمت لپاره لازم ظرفیتونه ترلاسه کوي.
