په کابل پولي تخنیک پوهنتون کې د ځان پېژندنې تر عنوان لاندې سیمینار ترسره شو.
په دې سیمینار کې د کابل پولي تخنیک پوهنتون مشاور او کلینیکي روانشناس ډاکتر ذبیح الله قاضي زاده د خپل جوړ شوې پریزینټیشن له لارې محصلینو ته د ځان پېژندنې په اړه مفصل معلومات وړاندې کړل.
نوموړي د اسلامي ارشاداتو په رڼا کې وویل چې ځان پېژندنه د الهی مسؤلیت اداینې، شخصي ودې، تعلیمي بریالیتوب او ټولنیز ژوند لپاره یو مهم اصل دی.
نوموړي زیاته کړه چې کله یو څوک ځان وپېژني، نو کولی شي خپل احساسات ښه درک کړي، سالم تصمیمونه ونیسي او له رواني ستونزو سره ښه مقابله وکړي.
سیمینار د محصلینو پوښتنو ته د ځواب ویلو او دعایې په ویلو سره پای ته ورسېد.
