د کور جوړونې د اصولو او بنسټونو په اړه درسي کتاب د چاپ په ګاڼه سمبال شو.
د کور جوړونې د اصولو او بنسټونو په اړه درسي کتاب چې د کابل پولي تخنیک پوهنتون د ساختماني پوهنځي د ښار جوړونې څانګي استاد، ښاغلي داود شاه فاروق لخوا لیکل شوی، د ښار جوړونې په برخه کې یو ارزښتناک تحصیلي سرچینه دی، دغه کتاب په 9 فصلونو او ۳۴۰ مخونو کې ترتیب شوی دی.
دا کتاب په علمي او تخنیکي توګه په لوړ کیفیت سره، د محصلینو د علمي کچې د لوړولو په موخه، د یاد پوهنتون د اړیکو او عامه پوهاوي آمریت (نشراتو) په مطبعه کې چاپ شوی دی.
یاد کتاب په ۱۰۰ جلدونو کې چاپ شوی او د محصلینو او نورو علاقه مندانو د استفادې لپاره د تهیه او تدارکاتو آمریت ته سپارل شوی دی.
