د کابل پولي تخنیک پوهنتون د اسلامي ثقافت د ډیپارټمنټ لپاره نوی آمر معرفي شو 1/12/1444
غونډه د قرآنکریم د څو مبارکو آیاتونو په تلاوت سره پیل شول.
ښاغلی عبدالکریم افغان د کابل پولي تخنیک پوهنتون د اسلامي ثقافت د دیپارتمنت د آمر په توګه معرفي شو.
د معرفت په دې غونډه کې علمي معاون ښاغلي حافظ انجينر عنايت الله ، مالي او اداري معاون ښاغلي انجنير ذاکرالله ذاکري، د ساختماني پوهنځي رئيس ښاغلي پوهاند دوکتور امان الله فقيري او د دغه پوهنتون د اسلامي ثقافت د ډیپارټمنټ استادانو ګډون کړی وو.
علمي معاون ښاغلي حافظ انجنیر عنایت الله ، مالي او اداري معاون ښاغلي انجینر ذاکرالله ذاکري ، د ساختماني پوهنځي رئیس ښاغلي پوهاند امان الله فقیري د دغه ډیپارټمنټ د پخواني آمر د کارونو قدرداني وکړه او د اسلامي ثقافت د آمر په توګه يې د استاد عبدالکريم افغان په ټاکل کېدو یې خوښي څرګنده کړه او په ورسپارل شوې دنده کې يې ورته د برياليتوب هيله وکړه.
همدا راز داسلامي ثقافت نوي امر ښاغلي عبدالکريم افغان هم د وزارت مقام او د دغه پوهنتون له مشرتابه څخه مننه وکړه او ژمنه يې وکړه، چې ورسپارل شوې دنده به په پوره صداقت او امانتدارۍ ترسره کوي.
غونډه د دعایې په ویلو سره پای ته ورسیده.
