د کابل پولي تخنیک پوهنتون جیولوجي او کانونو پوهنځي د وروستي کال محصلینو د دیپلوم پروژو څخه دفاع غونډې پیل شوې.
د یادو غونډو د پیل مراسم د قرآنکریم د مبارکو آیاتونو په تلاوت سره پيل شول.
د اصولو له مخې د پوهنتون وروستي کال محصلین به له پوهنتون څخه د فراغت او دیپلوم د تر لاسه کولو په موخه دیپلوم پروژې دفاع کوي، نو په همدې اساس د کابل پولي تخنیک پوهنتون جیولوجي او کانونو پوهنځي محصلینو د خپلو دیپلوم پروژو څخه دفاع غونډې پیل شوې.
په دې مراسمو کې د کابل پولي تخنیک پوهنتون رهبری هیئت، استادانو، د سکتوري ادارو استازو، محصلینو او مېلمنو ګډون کړی و.
د یادونې وړ ده، چې د یادو پروژو دفاع غونډې به درې ورځې دوام لري او ۲۹ تنه انجنیران به د خپلو پروژو څخه دفاع کوي او د ژورې کمیټې د ارزونې وروسته، به د فارغ التحصیل په توګه پېژندل کیږي.
