د عامې روغتیا وزارت له خوا په کابل پولي تخنیک پوهنتون کې محصلینو ته د نشه یې توکو د زیانونو په اړه معلوماتې سیمینار وړاندې شو
سیمینار د قرآنکریم د مابرکو آیاتو په تلاوت سره پیل شو.
لومړی د کابل پولي تخنیک پوهنتون د محصلانو چارو مرستیال ښاغلي انجنیر ویس الدین بریالي د عامې روغتیا وزارت کارکوونکو ته د ښه راغلاست وینا تر څنګ د یاد سیمینار په لاره اچولو له امله مننه او قدردانی وکړ او زیاته یې کړه چې یاد سیمینار ډیې ګټور دی، ترڅو محصلینو ته د نشه یي توکو د زیانونو په اړه معلومات ورکول شي.
نوموړي له ټولو محصلینو وغوښتل، چې په ياد سيمينار کې فعاله برخه واخلي او د تر پایه په پوره توجه په کې برخه واخلي.
همدا راز په نشه یې توکو د روږدو کسانو د درملنې ۴۵۰ بسترونو د ټولنې عمومي مدیر ښاغلي هوشمند قریشي د کابل پولي تخنیک پوهنتون د مشرتابه له همکارۍ مننه وکړه. دوی د یاد سیمینار د منځپانګې په اړه هر اړخیز معلومات وړاندې کړل او د نشه یي توکو د زیانونو په اړه یې د محصلینو د پوهاوي تر عنوان لاندې خپل پریزنټیشن وړاندې کړ.
