د اعتبار ورکونې سند ساتلو لپاره د چک لیست سره سم د اسنادو چمتو کولو لارښود سیمینار جوړ شو 14/1/1445
سیمینار د قرآنکریم مبارکو آیاتونو په تلاوت سره پیل شو.
لومړی د کابل پولي تخنیک پوهنتون د تضمین کیفیت آمر ښاغلي ذبیح الله حیدري ټولو ګډونوالو ته د ښه راغلاست وینا وکړه او د اعتبار ورکولو د اسنادو د ساتلو او د چک لست مطابق د اسنادو د چمتو کولو په اړه یې هر اړخیز معلومات وړاندې کړل.
په دې غونډه کې ښاغلي پوهاند ډاکټر امان الله فقیري او پوهاند محمد انور سراج د اعتبار ورکولو سند ساتلو لپاره د چک لیست سره سم د اسنادو چمتو کول د محصلینو چارو معاونیت، د مالی او اداري چارو معاونیت، د معلوماتي تکنالوژي آمریت او د کتابخانې عمومي مدیریت آمرینو او غړو ته خپل چمتو شوی پریزنټیشن په تفصیل سره وړاندې کړ، ترڅو اړونده څانګو په دې برخه کې خپلې چارې ترسره کړي.
په اخیر کې سیمینار د دعایې په ویلو سره پای ته ورسید.
