د کابل پولي تخنیک پوهنتون د جیولوجي او کانونو اکتشاف انجنیری څانګې زده کړیالانو د ماستري تیزسونو د اتمې دورې دفاع غوڼده تر سره شوه
غونډه د قرآنکریم د مبارکو آیاتونو په تلاوت سره پیل شو.
په یاده دفاع غونډه کې د لوړو زده کړو وزارت علمي معین ښاغلي دوکتور لطف الله خیرخوا، د لوړو زده کړو وزارت د څیړنې، لیکوالۍ او ژباړې ریاست رئیس ښاغلي دوکتور حمید الله مزمل، د کابل پولي تخنیک پوهنتون عمومي رئیس ښاغلي پوهنوال دیپلوم انجنیر عبدالرشید اقبال، علمي معاون ښاغلي حافظ انجینر روح الله روحاني، استادانو او یو شمیر میلمنو ګډون درلود.
لومړی د جیولوجي او کانونو پوهنځي رئیس ښاغلي پوهاند عبدالشکور داور په دې غونډه کې میلمنو او استادانو ته ښه راغلاست وویل.
ورپسې د ارزونې کمیسیون رئیس ښاغلي پوهاند عبدالباقي رحماني د جیولوجي او کانونو د استخراج په برخه کې د ماسټرۍ دورې د دفاع په اړه مفصل معلومات وړاندې کړل.
همدارنګه د لوړو زده کړو وزارت علمي معین ښاغلي دوکتور لطف الله خیرخوا په دغه پروګرام کې له استادانو او محصلینو څخه مننه او قدردانی وکړ او د استادانو او محصلینو هڅې یې و ستایلې.
ښاغلي خیرخوا د یاد پوهنتون د علمي څیړنو په اړه د لازمو مشورو ترڅنګ د یاد پوهنتون د لابراتوارونو د تجهیز او تمویل په برخه کې د هر اړخیزو همکاریو ژمنه وکړه.
د یادوني وړ ده چې په دې پړاو کې به ۱۹ تنه محصلین د خپلو پروژو څخه دفاع وکړي.
