د جیودیزی انجنیری ځانګه:

د کابل پولې تخنيک پوهنتون د تأسیس له وخته دغه څانګه د جيوديزي او مارکشيدري څانګې په عمومي جوړښت کې فعاليت درلود. په 1361 ل کال کې یې فارغ  ورکونکې څانګې ته لوړه شوه او دوه دورې يي  د مارکشيدري انجنيران فارغ کړل او بيا د جيوديزي انجنيري په څانګه تبدیله شوه.

څرنګه چې د انجنيري جيوديزي مسلکي انجنيران د ټولو ساختماني پروژو لپاره یوه اړینه اړتيا ده، په دغه څانګه کې تر 1372 ل کاله پورې ۵ دورې د ماسټر په کچه انجنيران روزل شويدي. له دغې څانګې څخه تر ننه پورې 421 انجنيران د لِسانس په کچه  فارغ شوي دي.

د انجنيري جيوديزي په څانګه کې استادان بېلابېلې علمي رتبې لري، ټول استادان په نږي ټکنالوژۍ سمبال او د کتابونو، ليکچر نوټونو، سافټويرونو او پاورپاينتټ په مرسته خپل تدريس په مخ بیایي. بايد ووايو چې په دې څانګه کې د اندازه کولو وسایل ټول ډیجېټل شويدي او دا څانګه په دغو ټولو سامان آلاتو سمباله ده او د زده کړو په لړۍ کې ترینه عملاً ګټه پورته کیږي.                                                       

د انجنيري جيوديزي څانګې موخې:          

د  جيوديزي انجنيري څانګه د لاندنیو موخو په ترلاسه کولو پسې ګرځي:

- د کتابونو ژباړه؛

- د تخصصي او مسلکي انجنيري په ګاڼه سمبال په لوړ کيفيت او معيار سره د ځوانو کادرونو روزنه؛

- د ښو اخلاقو لرونکو او وطن پالو کادرونو روزنه؛

- برابرښت او ورورولۍ؛

- د استادانو د ظرفيتونو لوړول؛

- د يوې مناسبې ټولنیزې او اخلاقي فضا جوړول او دسياسي، قومي، ژبنیواو مذهبي کرَکو او تعصباتو مخنیوی؛

- د څانګې د نصاب او مفرداتو بيا ليدنه؛

- د څانګې د سټراټيژيک پلان د پلي کولو لپاره د مالي ملاتړکوونکو سرچینو موندل؛

- د وزارتونو، ادارو او سکټوري ارګانونو سره د پوهنیزو،څېړنیزو، او اکاډميکو اړیکو او همکارۍ رامنځته کول په کور دننه او باندنیو پوهنتونو سره، د هوکړه لیکونو او د همکاريو تړونونه لاسليکول؛

- د څانګې لپاره د معياري وېبپاڼې او د ډېتابيس جوړول؛

- د څانګې د ځان ارزَوَنې د لړۍ پیاوړې کول؛

- د نوي کادرونو ګومارل او د هغوی د ظرفيت لوړول؛